စောင့်ထိန်းအပ်သေား လူမှု့ကျင့်ဝတ်များ

“စောင့်ထိန်းအပ်သော လူမှုကျင့်ဝတ်များ”

🔶ဘယ်လောက်ပဲ ချစ်ခင်ရင်းနှီးပါစေ။

စကားကို လက်လွယ်စပယ် မပြောပါနဲ့။

ခံစားတတ်တဲ့ ဝေဒနာဆိုတာ လူတိုင်းမှာ ရှိပါတယ်။

🔶ဘယ်လောက်ပဲ မုန်းတီးနေပါစေ။ 

အခြားသူရဲ့ပုဂ္ဂိုလ်ရေးကို နှိမ့်ချစော်ကားတာမျိုး 

မပြုလုပ်ပါနဲ့။လေးစားမှုဆိုတာ လူတိုင်းနဲ့ထိုက်တန်သလို

မိမိကိုယ်တိုင်နဲ့လည်း ထိုက်တန်ပါတယ်။ 

🔶ဘယ်လောက်ပဲ သဘောကောင်းတဲ့သူနဲ့

တွေ့ပါစေ အခွင့်အရေးကို တဆုံးမနှိုက်ပါနဲ့။

မိမိကိုယ်ကိုယ် ထိန်းသိမ်းတတ်ပါစေ။ 

အခွင့်အရေးသမားကို လူတိုင်းက ရွံ့မုန်းကြပါတယ်။ 

🔶ဘယ်လောက်ပဲ အလကားရနေပါစေ။

မိမိရသင့်တဲ့ အတိုင်းအရှည် ပမာဏကို

အသိစိတ်နဲ့ ဆင်ခြင်တတ်ပါစေ။ 

သိက္ခာတရားဆိုတာ မွေးမြူသင့်ပါတယ်။

🔶ဘယ်လောက်ပဲ အခက်အခဲပြဿနာနဲ့ 

ကြုံရပါစေ မိမိကိုယ်ပိုင် အစွမ်းအစနဲ့ အရင်

ဖြေရှင်းတတ်ပါစေ။ အကူအညီကို အလွယ်တကူ လိုချင်တဲ့သူ မဖြစ်ပါစေနဲ့။ 

🔶ဘယ်လောက်ပဲ ရိုးသားတဲ့လူကိုတွေ့ပါစေ။ 

သင့်အကျိုးအမြတ်အတွက်အသုံးမချပါနဲ့။

ရိုးသားမှုဆိုတာ အရည်အသွေးတစ်ခုဖြစ်ပြီး

အခြားသူအတွက် ဖြစ်တည်နေတာ မဟုတ်ပါဘူး။ 

🔶သင်ဘယ်လောက်ပဲ အင်အားကြီးမားတဲ့သူ

ဖြစ်နေလဲ အလွယ်တကူ အနိုင်ကျင့်ချင်တဲ့ 

စိတ်ဓာတ်မျိုး မမွေးပါနဲ့။ 

ဒီကနေ့ အင်အားကြီးမားသူဟာ 

နောင်တစ်နေ့မှာ အင်အား ပျောက်ဆုံးသွားနိုင်လို့ပါ။

သံသရာဆိုတာ လည်ပတ်နေပါတယ်။

🔶ဘယ်လောက်ပဲ အတွေးအခေါ်တွေ ဆန့်ကျင်ဖက် ဖြစ်နေပါစေ။ကိုယ်ပဲ မှန်နေတယ်လို့ မထင်ပါနဲ့။ 

မကျင့်သုံးနိုင်ရင် ပယ်လိုက်ပါ။

အခြားသူရဲ့ အတွေးအခေါ်ထဲ သင်လည်း

မနေနိုင်သလို သူလည်း နေမှာမဟုတ်ပါဘူး။

🔶သင်ဘယ်လောက်ပဲ ထူးချွန်ထက်မြက် နေပါစေ 

တခြားသူကို ညံ့ဖျင်း တုံးအတယ်လို့

အလွယ်တကူ မှတ်ချက်မပေးပါနဲ့။ 

နောက်ခံအခြေအနေဆိုတာ တသမတ်တည်း

ရရှိနိုင်တာ မဟုတ်လို့အရည်အချင်းတွေ

ကွဲပြားနေတာကို သတိပြုမိပါစေ။ 

🔶မိမိကြိုက်နှစ်သက်တဲ့ လူ၊အရာဝတ္ထု၊အတွေးအခေါ် အခြေအနေ တစ်ခုကို မိမိဘာသာ စိတ်ကြိုက် 

နှစ်သက်ခွင့်ရှိပါတယ်။ဒါပေမယ့် သူတစ်ပါးကြိုက်နှစ်သက်တဲ့အရာတွေကိုတော့ ကဲ့ရဲ့ရှုတ်ချပြီး 

သင်ကြိုက်တဲ့ အရာတွေကို ဂုဏ်တင်ပြီး

ပြောစရာမလိုပါဘူး။သင်ကြိုက်နှစ်သက်တဲ့အရာတွေကို 

အခြားသူကလည်း သင့်လိုပဲ တုန့်ပြန်လာရင်

သင်လည်း အလွယ်တကူ လက်မခံနိုင်ပါဘူး။

သူတစ်ပါးရဲ့ဆုံးဖြတ်ချက်မှာ 

သင့်ဦးနှောက်ကို သုံးဖို့ မလိုအပ်ပါဘူး။ 

ကိုယ်ချင်းစာတရားဆိုတာ 

သင်တစ်ယောက်တည်းအတွက် မဟုတ်ပါဘူး။ 

အခြားသူတွေ အပေါ်မှာလည်း ထားသင့်ပါတယ်။ 

#Credit_Original_Writer

#Dare_to_Dream

#Words_for_Youths

#Just_sharing