စိတ်အားငယ်တိုင်းဖက်ပါ ညီငယ် ညီမလေး

စိတ်အားငယ်တိုင်း ဖတ်ပါညီမလေး

^==================^

လောကကြီးမှာ ဖြစ်သင့်တာနဲ့ ဖြစ်ထိုက်တာကိုဦးစားပေး ရွေးချယ်နေကြရတယ် ။

အားမငယ်ပါနဲ့ ညီမလေး ။

နာကျင်မှုများမှ ရင့်ကျက်ရတာ

ဓမ္မတာပါ တည်ငြိမ်သူ တစ်ယောက်ဖြစ်ဖို့ ပေးလိုက်ရတဲ့ နာကြင်မှု ရင်းလိုက်ရတဲ့ ဝေဒနာ သေရာပါကြရတယ် ။

ဘာမဆိုလုပ်ယူရတဲ့ ခေတ်မှာ ဆုတောင်းစရာမလိုဘူးဆိုတဲ့ မိဘမေတ္တာတောင်မှ လုပ်ယူတတ်မှ မိဘရဲ့ အချစ်ဆုံး သားသမီးဖြစ်ရတဲ့ အဖြစ်မျိုး ။

တစ်ခါတစ်လေ စိတ်ဓာတ်ကျရုံလောက်နဲ့ အရှုံးမပေးနဲ့ လောကဓံဆိုတာ ကိုယ့်ရင်ဘတ်ထဲက 

ဒဏ်ရာလောက်ကြောက်စရာမကောင်းဘူး ။

လဲကျတိုင်းပြန်ထပါ လွဲချော်မှုတိုင်းက အမှန်ရောက်ဖို့ဆိုတာ မမေ့နဲ့ ။

သောကတွေချနင်းပြီး အပြုံးတွေနဲ့ စစ်ခင်းလိုက်ပါ သူရဲကောင်းဆိုတဲ့ စိတ်ဓာတ်က ကြံ့ကြံ့ခိုင်ပန်းတိုင်ချီတက်နေမှာ အမှန် ။ 

မုန်တိုင်းက အမြဲတမ်းတိုက်ခိုက်နေတာမဟုတ်ပါဘူး

လေပြေ လေညှင်းတွေလဲ ရှိတယ်ဆိုတာ မမေ့ပါနဲ့ ။

အခက်အခဲ ဆိုတာ လူ့ဘဝ လူ့ဝန်းကျင်မှာ ရှိနေတာ မဆန်းတော့ဘူး အတွေ့ကြုံဖြစ် အသုံးပြုပါ ။

 

သင်္ခန်းစာဆိုတာက လေ့လာလိုက်စားတတ်မှ တိုးတက် အောင်မြင်တာပါ ညီမလေး ။

ရင်ဘတ်ထဲက ဒဏ်ရာက သွေးမထွက်ပဲ နာတယ် ဆိုပေမယ့် အမာရွတ် မရှိဘူး ။

 

ငယ်ရွယ်စဉ် ပညာရှာ ကြိုးစားရမှာ

အလှတွက် မှန်ကိုကြည်သလို ဘဝအတွက် စာလည်း ကြည့်ရမယ် ။

အရှုံးရဲ့ရလာဒ်က ပျော့ညံ့သူတွေရဲ့ အလုပ်

တစ်ခါလဲရုံနဲ့ ပြန်မထကြတော့ဘူး ။

ခရီးဆိုတာ တစ်လှမ်းသွားရင် တစ်လှမ်းရောက်တယ် များများလှမ်းတဲ့ လူအတွက် ပန်းတိုင် ဘယ်ပြေးမလဲ ။

စံပယ်ပန်းလေးတွေ ဘယ်လောက် လှလှ

ကြွေကျသွားရင် ဘုရားတင်ဖို့ မထိုက်တန်တော့ဘူး ဒါကြောင့် အကြွေပန်းလို မနွမ်းစေနဲ့ ။

လဲကျတိုင်းပြန်မထရင် အကြွေပန်းပဲ ။

ဇွဲဆိုတာလူကဖန်တီးထားတာ စိတ်ဓာတ်ဆိုတာလဲ လူကပဲဖန်တီး ထားတာပဲ 

သတ္တိကိုလဲ လူကပဲပြုလုပ်ထားတာပဲလေ

ဇွဲလုံ့လ ဝိရိယ တဲ့ ။

ကံ ဥာဏ် ဝိရိယ ဘယ်လူသားမှ မပြည့်စုံကြပါဘူး မမှားသော ရှေနေ မသေသောဆေး သမား ဘယ်မှာရှာလို့တွေ့မှာလဲ ။

ဒါကြောင့် အားမငယ်ပါနဲ့ ညီမလေး ။

လောကကြီးကို ရင်ပေါင်တန်းဖို့ 

သောကတွေကို ဘေးဖယ်ထား

မျှော်လင့်ချက် ဆိုတဲ့ ပန်းတိုင် ဦးတည်ထား

လမ်းကြောင်းပြောင်းပြီး သွားရပါစေ 

ကိုယ်မှန်းထားတဲ့ ပန်းတိုင်တော့ အပြောင်းမခံနဲ့ ။

တစ်နေ့မုချ ရောက်ရမည် ။

လူတွေမှာ စိတ်တန်ခိုးက အရေးကြီးဆုံး အချက်ပဲ စိတ်ညစ်ရင် လူပါနွမ်းတယ်

စိတ်ပျော်ရင် လူပါ လန်းတယ် ဒါကို သတိထားပါ ။

စိတ်ရဲ့ အညက်ကျေး မှန်သမျှ ဥပေက္ခာ

ပြု့နိုင်အောင်ကြိုးစားပါ ။

ညီမလေး ။ တစ်နေ့ပန်းတိုင်ဘယ်ပြေးမလဲ 

.

မိုး ဝိညာဉ်..